Archive for the ‘Dreams’ Category

0808220627

August 24, 2008

好肚餓,知道狂風爆雨即將來臨,但都走到天橋旁馬路對面o既茶餐廳買燒爉飯來食,我知道晨早流流食燒爉飯好古怪,但我真係好肚餓,唯有繼續。到咗茶餐廳門口,背後o既雨已經落到好密,天好灰,我心諗:「大鑊…」喺門口位替我落單o既係一個大概四十令歲o既阿叔,stantard 的白色茶餐廳衫,左胸前印住紅色茶餐廳名果種。個茶餐廳門口大得出奇,有載住中式點心o既大蒸籠,另一面亦掛住一串串燒味。我冇為意,不斷對佢講話要「燒賣」、「燒賣」,其實我係想要「义燒」…佢嘗試吉一串牛肉俾我,我話「唔係呀」又指指啲义燒,跟住佢想去吉串燒賣俾我,但我都係喺度話「唔係呀」,不過我係暗暗地喺度諗:「其實依啲咪好似係『燒賣』囉?」又指兩指,佢終於知道我想要啲乜,開始斬,叫我喺門口等,點知我轉個頭已經見倒間鋪落咗閘,應該係天氣將會轉至極壞,佢提早收鋪。但係我仍然喺某啲位置望倒裏面o既情況,仲有食客喺裏面,我見倒櫃枱上有份外賣,係我o架…好彩櫃枱個老細見倒我,有啲唔好意思咁攞返袋外賣俾我,但成件事我感覺就好似攪咗成半個鐘有多…

轉身外望,發覺天已極暗,不斷閃電,落大雨,個情況嚴重到似係會被拍低落嚟喺 Discovery Channel 啲「十大天災」裏面播咁,我要過返天橋離開,周圍已經冇晒人,只淨返一個著住校服o既女仔,佢擔住一把淨返遮骨o既遮…

080531 04:27

May 31, 2008

你對我投以一個卑視的笑容,你的眼神使我無地自容,我要由衷地認同我的無能笨拙,我只能活在這陰霾下,在漆黑中揮空拳。

07063008

June 30, 2007

「她1」擁抱著我,親我的咀,我無法抗拒。

「他1」對我說他為了「她1」,放棄了「她2」,說如果他死了,拜託我好好照顧「她2」。

一切都好像發生在灰灰的籃球場上。

0706260210

June 26, 2007

同同事坐的士搵老闆,坐的士時舊同事都在座,落的士o既時候我回望後座o既舊同事,佢用空白o既眼神回望我,直至的士被灰白大廈淹沒前,佢o既眼神都冇變過。繼續搵老闆,依度係一座喺美式劇集常見,樓梯外露於大廈外o既一座公寓,我跟住同事步伐行上樓梯,踢倒佢o既腳跟兩次,我同佢o既步調不同,佢好似唔想去搵老闆,而我反而想第一時間見倒。入到去一間房,依度好似一間診所,亦似一間精神病院,我知道我哋o既老闆分別喺 11 , 22 同埋 44 號房,我哋好似輪街症咁企喺地下劃有指示o既地板上,櫥窗內o既護士木無表情,成個環境都好似係灰藍色o既。