Archive for November, 2007

一連串o既巧合

November 23, 2007

星期一晚喺近乎冇準備o既情況下同 Ivy、「阿青」去「青衣」洗牙,洗完喺「青衣城」Spaghetti House 食晚飯。

我喺葵涌返咗年幾工,星期二第一次中午 lunch 撞倒「阿青」。夜晚六點幾離開公司,唔知喺邊度可以買倒「Linkin Park Live」o既飛,嘗試去 TST TomLee 買,喺地鐵站撞倒上一次見就係喺 ’04 「Linkin Park Live」同行o既基仔。去到 TomLee,七點十分,票房話七點鐘已經截咗賣 Linkin Park Live o既飛,擾攘咗一輪(其實我覺得我自己好冷靜,係啲職員好勞嘈),確定 AsiaWorld-Expo 喺現場都會有飛賣。八點半去到 AsiaWorld-Expo,排倒隊買倒飛已經八點八,見倒有 Tee 買,指定動作入吓貨,見倒有油站亦梗要入一入油(買啤酒「飲」),啱啱飲完就聽倒會場已經爆緊啲聲出嚟,真係時間啱啱好。企喺行人通道 Given Up 後姑且搵一搵朋友仔阿 Joe 等人(都唔抱期望),黑媽媽又俾我搵倒喎,更加慶幸o既老友記又走私成功,又有油入,okay,okay 好 feel,okay 有 feel,青春不怕被蹉跎。睇完走啦,撘機鐵,竟然見倒同事 Travis 「Norton」 入埋我個車箱,仲同一度門添,傾吓 Linkin Park 傾吓音樂喜好傾吓經歷,傾傾吓佢見倒我朋友o既朋友件電單車衫又有個「Norton」字樣 label 名牌… 跟住又喺「青衣城」轉車返屋企…

今日晏晝大老細感恩節請食到會自助午餐,同同事(化驗人) Emily 傾開原來星期一(唔係星期二)晚喺「青衣城」俾佢點咗相,仲要係喺我同兩個女仔影緊相果陣… 夜晚,好少有咁留喺公司到夜晚,點知又俾我經歷依件大家同事(就算好老資格果啲)都未遇過o既事─有同事發羊吊,而發o既誘因聽講話係同「飲」酒同夜瞓有關…