Archive for May, 2007

My Best Friend 搲個好朋友

May 26, 2007

我好似種意德國嘢多過法國嘢。

唔好再纏繞 … 夜半三點鐘我有事我唔會打電話俾任何人,我會鑽牛角尖鑽爆自己個頭,我迷失喺虛空o既宇宙,一個人架駛住對抗住萬有引力o既太空船。

「My friend ! 你夜晚三點有難題解決唔倒,打俾我啦!」我講唔出,因為我好可能誤會咗係鬧鐘一手咁熄佢又再瞓過,又或者見倒個來電顯示,諗:「…」咁熄,又瞓過。依個係根性,套戲帶倒俾我哋o既可能只係一時三刻o既感動,或者我哋只會諗佢所提及o既「三點」情況,完果要冇咗隻尾指先幫倒你朋友,你幫唔幫?你問:「咁就真係睇吓有幾 friend 喇 … 」

Okay . 歡迎乘撘上文提及o既太空船。

唔,我就通常會答:「我盡量幫啦。」依個係我o既現實,係我知o既事實,係我唯一可兌現o既 promise .

最緊要正字 – 「」。

Advertisements

I AM A CYBORG, BUT THAT’S OK

May 26, 2007

一向覺得韓片好爛,正如覺得港產片好欄,但其實我一早都應該知道,唔可以一竹篙打一船人。

對於由「癲」作出發點o既劇情,鑽牛角尖話佢啲劇情唔合理實在多餘,反而應該睇吓佢可以癲得幾盡。

講真,唔係阿 Rain o既話套戲都真係失色不少,收埋一身肌肉、黑超、熱舞,換上蝴蝶結髮型、病人衫、超人面具,依個儍仔笑容盡顯單眼皮男人o既魅力。

好似有一幕係阿 Rain 借倒其他病人o既能力,將佢交俾隔離房o既林秀晶,將身體縮少到外看外婆,果一刻好感動。

儍瓜一點看。

最後我看倒依句:I am a Cyborg, but that’s OK… I’ve got love!

Mr Bean’s Holiday

May 26, 2007

睇戇豆令我諗起我自己係個咩人。

我可能比任何一個讀者更早接觸 Mr Bean .

我永遠喜歡「隨緣」,當年喜歡流連喺深宵o既 ATV World,偶遇 Mr Bean(仲有停留喺西方女忍者眼睫毛上o既烏蠅)。

 好似其他我個人o既遭遇一樣,Mr Bean 都被我「個人化」咗。當年我可能連個 Bean 字係點解都未知,但已對佢依種幽點有感覺,但我冇同人分享過。

幾年後,(我開始對「潮流」有少少認知)Mr Bean 紅咗,仲有咗個好老套又不文o既中文名,我覺得「潮流」好後知後覺,依啲種種令我更加崇尚「自我」,會有友人興緻勃勃問及或談及:「睇咗『戇豆』未?」我諗:「Shit … Mr Bean 就 Mr Bean 啦,『戇豆』依個名係邊個作出嚟o架 … ?」嘩 … 仲有卡通片俾細路仔睇 … SHIT … 我唔鐘意依種低俗,商品!

今時今日,同友人閒談時講開睇戲都會提吓:「你睇咗『戇豆』未?」「都幾好笑吖!」我對演戇豆o既果位演員o既敬意已經減退,我o既感覺有啲似喺望唔倒陸地o既大海上隨住大浪翻滾飄流。

喺屋企食飯,同 Muse 一齊,喺電視又睇倒戇豆,佢笑咪咪咁同我講:「『夢』豆真係好攪笑呀!」我話:「係『戇』豆呀,『戇居』個『戇』吖嘛,乜冇人話過你『戇居』咩?」「冇喎 …」…

戇豆令我哋開心,佢令 Muse 開心,開心咁笑,我都開心喇,我都笑喇。

Invicible

May 2, 2007

慣性收視,買咗新上架o既 Invicible Signle 同埋 video DVD,首歌係我喺佢哋最新大碟(06 年 6/7 月出o既)o既最愛,首歌o既詞、凝造o既氣氛我都好鐘意,video 由 Jonnie Ross 操刀,同 Joseph Kahn o既懷舊加 Cyber style 截然不同,video o既公仔夠得意,見倒有進化、戰爭、滅亡同重生,video 係好睇,不過依個 radio/video edition 縮晒水我就大呼冇癮,老套啲講句真係破壞晒首歌個 integrity,同場加映o既 live 版阿靚佬 Matt 中段好似有啲甩漏 … 暗暗聽倒全場大合唱「During the struggle … Together we’re invicible」始終令人感動 …

Jonnie Ross 間公司:http://www.smugglersite.com/01/directors/player.html?cat=2