Archive for April, 2007

Stranger Than Fiction

April 29, 2007

出咗 VCD 喇!不過個包裝好似好鬼老土咁,唔係好吸引。即係話佢唔會喺戲院上喇。

女主角好型,男主角木木獨獨好攪笑。

嘿,老生常談,要追女仔,都係識彈結他殺食啲!

Advertisements

21 Grams

April 28, 2007

直接地令人去思考自身最基本的須要是甚麼。

好人難做,但用逃避去處理難做o既事通常會令事情惡化,因為我哋唔在乎o既事往往同在乎o既事有連繫。

交錯插敍交代好完整,帶出一幕 Benicio Del Toro 握住 Sean Penn 持槍隻手抵住自己喉嚨,好有迫力!

套戲有啲內容好似 The Red Road(港譯:《獵男閉路》),橋段、場景、選角造型都有啲相似(越諗越似),令我覺得 The Red Road 原來唔係咁 original。

咪講少

April 25, 2007

喺我生日果日祝過我生日快樂o既原來總計有九個人。

仲有一個之前講少咗o既係女班長,佢係一個勇敢o既人,攪過補習社,攪過親身日本入貨賣潮流嘢;佢對眼識笑,但我就係感覺倒佢有種「說不出的蒼桑」;多年冇聯絡,但我知道佢係個仍然會對我講真話o既人,佢可能知道咁先至叫可愛。

28 歲生日

April 21, 2007

2007 年 4 月 18 日係我o既 28  歲生日,趁生日剛剛過去,對這日作一小小回顧。

生日聽o既第一首歌── Brett Anderson o既 Love is Dead . 我唔知道 Suede 最型o既時期係點,但都會有意無意咁留意,尤其是 Brett Anderson。聽倒佢啲曲風,諗起前 Rialto o既 Louis Eliot,亦諗起 Music & Lyrics 依套戲(畢竟 Eliot 同 Grant 亦同樣係英國人)。

喺我生日果日祝過我生日快樂o既人有八個。

第一個係 Smarktie,舊同學,我覺得佢係一個好型o既人;佢(喺我心目中)o既名句係:「真係鐘意音樂o既人,唔會壞得去邊。」Chemical Suzy 執果晚亦有見倒佢落去飲嘢;佢o既個人網頁係我見過咁多個朋友所擁有o既最靚o既一個,佢亦記得 Kurt Cobain 幾多歲死。

第二個係 Ivy,我現任女朋友,生日晚同佢一齊食長通粉,飲巴黎咖啡,睇戇豆。我有時覺得佢都幾了解我,但有更多時間,我覺得佢唔了解。

第三個係 Alice,佢係一個好有才華o既人,佢聽音樂、寫文章、畫畫、攝影、拍 video (有寫實紀綠片鉅鉒 Black Jack,亦有非現實o既 Tattoo),我諗佢渴望喺生活中得到 inspirations .

第四個係 3b,佢有特別o既一套世界觀、價值觀,佢宜家人已身在美國波士頓,但佢仍然好關心我,每次收倒佢送o既生日禮物,都係特別o既。

第五個係阿 C,舊同學,但好似冇同過班。佢有一顆樂於助人o既心,佢崇尚漂亮,我覺得佢喺任何時候都會保持微笑。

第六個係 1b,好沉默o既人,隨必要之外,你唔「柳」佢佢係唔會講嘢o既,但講親o既嘢都經過個腦;唔會演嘢;對鐘意o既嘢會非常之熱衷;喺我經常接觸o既人當中,佢算係最「潮」果個,但我諗冇乜人真正了解倒佢。

第七個係 Muse,我o既外甥女,5 歲,好多謝佢為我準備o既生日蛋糕,甜在心頭;我諗好多人都會覺得我對佢好似對自己個女咁;唔知係巧合定故意,佢婆婆今日幫佢剪咗由出世留到前兩日o既長頭髮,剩翻一頭 Audrey Tautou 喺《天使愛美麗》果款短髮,再唔係 Bob Marley 喇。

第八個係 Toonie,我家姐,好好人,好顧家,對我好好,冇得彈o既家姐!多謝你對我o既祝福!

生日朝照鏡,覺得自己個樣好陌生(感覺強烈到好似前所未有咁),我諗,我o既面上唔須要面具。

生日願望,好抽象。

如果自己唔努力,咩願望都冇可能達成。

野良犬

April 18, 2007

只能說,這套戲幾一般。

Light of My Life 首歌太老套,殺手撞正保鑣劇情太老套,離不開港產片式笑位太老套。導演對自己的要求可能不夠高,只求「全場滿坐」。

只能說,Eason 死得幾靚。

反而想追返睇黑澤明果套就真。

Red Road

April 18, 2007

聖人都有錯,錯咗要點面對?你會點對犯錯o既人?要佢承受苦果?錯果個係你你又想人點對你?

成套戲都好充實,情感、劇情交代都好完整。

如果要問最後女人原諒男人o既原因,只可以話佢已清楚佢對男人o既極端憎恨其實係對自己犯錯(無可補救)而唔肯承認o既自我催眠。

「我冇,我要你都冇」,「我冇,你有,我無耐,只能戥你高興」心態由我哋自己決定。

Romanian Shorts Programme

April 18, 2007

我認識到:羅馬尼亞都有 Radiohead、有《少林足球》、茫茫大海心存著一種解脫暗示、原始而寫實,少年都自慰…

Liviu’s Dream

如無看錯,青年就是害怕去愛,相信他是非常迷失的,纏繞著他的東西緊緊纏繞在他的心頭,世上就是有這種人、世上就是有一些極端漂亮但卻永遠遙不可及的東西,為甚麼我會這麼清楚?

相信青年都曾想過「她」穿著婚紗的漂亮樣子。

Traffic

有關五歲小女孩,怎能不想起 Muse,想她學習誠實、崇尚心靈的富足,在這時這刻這個社會,是否太過刻?

可能之前都寫過了, ‘The things you own own you.’

Marilena de la P7

愛愛愛,巴士司機爸爸愛自慰少年愛發電少女愛嫖客,各人有自己的結局,少年或許會成長吧,看著夢中情人在眼前自殺,總會有一點領悟。

C Block Story

少年們請不要再只懂在發白日夢,與其沉醉在幻想中,倒不如聽多點 indie music 和積極地去深入了解自以為喜歡的東西吧!不看真,看倒的都只會是表面,看真,才可能有以想不到在其中。

Lineman’s Cabin

也許,我們找天去海邊看看吧,這裏好像真的太單調、自我封閉了。

CHILDREN OF GLORY

April 18, 2007

最後一幕,十分煽情─水球男生在冠軍頒獎台上看著中間沒有蘇維挨標誌的匈牙利國旗在飄揚,自由戰士女生在冷酷黑暗的監牢走廊內被找住面對生命中最後一刻,他們都在唱著同一首國歌。

仍然在呼吸都應該要慶賀。

FREEDOM’S FURY

April 18, 2007

紀錄片,認識了歷史多一點,認識了水球多一點。

但對自身身份的認同卻模糊了一點。

正義、尊嚴、虛偽、浮誇,我們都不雖再多講我們相信的是甚麼,因為它們都植根了在我們內心,我們不應該相信它能夠被改變。

重要的是生命、思考,只要能留下來,加一點運氣,我們都可以像水球選手們一樣,化敵為友,成為「自由的老坑」。

對世界游泳錦標賽多留意了一點,不過每次都只看到女子水球比賽 …

Der Freie Wille

April 11, 2007

獸性存在內心,改不了,這種獸性是任何人(包括自己)都不能接受的。

試過以為自己改得了,試過自己也被騙倒了,其實,存在在內心的東西,是不能改變的。

嘗試過一切的方法,改不了就是改不了。

可悲的是有愛存在內心。

可悲的是愛了和被愛了。

不懂如何去停止這傷害,無法停止這傷害。

哭得天裂開了,事實仍是無法改變。

日出前讓戀愛終結。