Archive for March, 2007

好奇的小貓

March 31, 2007

五級有格仔,大人細路都啱睇。

啲貓貓狗狗雀仔怪物真係非常可愛(講緊又唔係我之前話「可愛女人」果種「可愛」,係「童真」果隻「可愛」)!

將你最好的給我吧!我都會交出我的最好!我知道,(你的)一加(我的)一等於無限,只要是你和我!

「愛」、「情」,我擁有嗎?我知道我不先付出,就無法得到。

世界在沉淪著,難道我要跟隨?

「五級」梗係講緊五個短故事逐級逐級上啦。

「有格仔」梗係講緊小貓手中 videocorder o既菲林片啦。

Advertisements

Arthur and the Minimoys

March 25, 2007

套戲好正路,好童畫,好好笑,好天馬行空但唔係廸士尼。

親見導演 Luc Besson,一言一行都盡顯其幽默、破格的內涵,第一句已經話(中譯):「其實想話,此片不容十歲以上人仕觀看 …」真係拍欄手掌!

這是法國人的態度還是 Luc Besson 的態度?「十歲的孩子就很應該去談戀愛!」多美好的世界!

Official website – http://www.arthuretlesminimoys.com/ OH ! COOL , LOVELY !

URO

March 25, 2007

唔係 UFO。

可能我睇戲少,有相同題材就會擺埋一齊諗,吳彥祖同挪威版方中信(唔係姓陳)都有共同特點:

  • 鐘意攪大毒販個女(頭三個字一組,尾五個字一組)
  • 喺攪掂大案後都係要例牌喺度呆若木雞
  • 好型、好靚仔

致所有大小朋友,毒品害人,咪試!

Apocalypto

March 25, 2007

前段好睇,小小部落,簡單生活,和諧共融,抵抗外敵,義無反顧。

我話諗起 Radiohead … http://www.youtube.com/watch?v=BrZTNhW44-o 請留意第二句,依個係咪被俘虜o既象徵呢?

後段好一般,符碌唔死得,實要一打七(真係咁先夠型?)。見隻黑豹就住跑慢啲就已經好好笑;啲奸角圍揪隻黑豹o既時候令我諗起細個果陣玩 AOE …

跌落泥坑反即可化身「黑豹掌」上晒身,咁都得。

臨尾見倒兩個嘍囉同小泰山o既反應,都諗「應該係見倒其他極端龐大o既外族」,估中,但冇佢轉得咁快,依個位真係好好笑,但同場啲觀眾唔知點解又好似好冷靜或好嚴肅咁,我淨係聽倒自己笑。(仲有個笑位係嘍囉「獵」人跳瀑布撞爆頭,啲嘍囉硬係要死得咁冇尊嚴、咁冇誠意 … :P)

最係冇事,「我返上山喇 …」啲嘢未殺到埋身就仲可以瀟洒啲o既。

如果成套戲都係引經據典咁反映瑪雅族/瑪雅文明o既話,我會覺得套戲冇乜創意。

Eye In the Sky

March 25, 2007

游導演拍攝角度有啲都幾靚,但場景轉換有啲古板(好似啲老套美式警探電視劇),有啲必要場面唔夠震撼力。

任達華扮乜都咁型,好想睇佢死,但係原來係 comedy(「講個笑話你聽,真人真事 …」:))。

絶處逢生,雨過天晴,有天開眼,正義永遠必勝。

邵美琪飾爛口高層擺明硬笑位 …

玩數獨好似又有啲老套,玩得多頭腦真係靈活啲?成日喺度擦,其實應該係唔識玩,所以用嚟用去都係得一招,仲要唔係三分就係四分鐘正,有冇咁 準呀?

愛與淚相隨

March 17, 2007

沖繩o既風景拍得幾靚。

於開心o既場景啲「Nee Nee」好好聽,但有啲好煩,尤其是影住醫院走廊果句,太高音 … (聽到我眼都瞇埋 …)

其實於 credits 出完之後o既一幕係精髓,回應翻「壓制情感渲洩」果個動作,有時我哋就只會諗「我唔應該咁做」,冇諗到「我點解唔應該咁做」,一味逃避正視問題。

哥哥給妹妹的信,根據學習日文多年o既 Water 講,下款只係「哥哥上」,唔係「愛你的哥哥上」,如果屬實,依個又係「港版煽情」例子枚舉。

唔會有衝動追翻《藉著雨點說愛你》嚟睇。

《淚光閃閃》個名幾靚,但我覺得《愛與淚相隨》依個名仲靚,我心目中《愛與淚相隨》o既內容應該係類似《情慾 9 歌》咁o既,果種「愛」。

The Queen

March 17, 2007

咁啱撞正睇埋特首候選人辯論,似係有一個微炒o既呼應。

曾生的論點(雖然都只是「講」的)對我來說比較討好,跟我認同的一套類同,有些事是「可以」做的,就全力懷著勇氣去做,有些是「無可能」做的,對我來說,就是連想都不雖花時間去想,但原來我一向是想少了一點,就是我跟本有沒有分辨甚麼是「可做」或甚麼是「不可做」的能力,原來這其實反而是最重要的。

前大律師工會主席 … 令我質疑大律師、律師、香港法律的權威性,可能大家都是在演戲。其實這些都可能是(不能避免地)被商業在背後支配。

如果是政府的領導,我想最基本上就是打從內心的以「人情」做出發點,這樣就可以很容易地分辨出甚麼應做或不應做。

MUSE Live,十天後的感動

March 14, 2007

MUSE 對我有甚麼意義?

當年是 Smarktie 借給我 showbiz 的,同一批碟仲有 KENT,果批碟我好似一隻都冇還翻俾佢。

之後很喜歡 MUSE,聽得一點一滴也沒有遺漏,借給「她」聽(還連一本 MCB),一週後問「她」,「她」說還是聽著 Sunburn,我知道,我不配跟「她」走下去(是「不配合」那個「不配」)(而那一期 MCB,「她」沒有看過那年終五十大唱片的簡介,只覺得一個正方格一個唱片封面拼湊起來可作為「她」藝術創作的啟發)。

跟住,Mo 買了 Origin of Symmetry 的譜,沒頭沒腦的就玩了起來,到依一刻都冇一隻玩得似。

又有發現網上有成本 showbiz o既譜,印咗出嚟,要彈 Muscle Museum,用木結他要禁到十四十五格好難禁,趁新聲堂執笠半價買了原價 $4200 (有廿四格,有震臂)o既一支 Ibanez。到依一刻都未完整咁玩倒全首。

06 年初,band 友互聯網化告知 MUSE 會於 8 月 Summer Sonic 演出,唔駛諗,去啦。同女友一齊去,佢之前同我講話佢唔鐘意旅行,去完之後佢問我幾時再去,我話:「有 gig 睇我就有興趣去。」佢話:「咁你有你去睇 gig,我有我去 shopping 啦。你掉低我得o架喇。」

06 年尾收倒 MUSE 會嚟香港o既消息,即時做埋籌辦單位連繫各方同好一齊 680 一位到機場旁朝拜。

3 月 4 日,我是完全投入的,縱在 680 後排隔岸觀火般的(我相信某一些你們是著了火的)散集人群中,我亦搖頭擺腦得像個瘋子,在 Starlight 的頭一次 hold you in my arms 中我 hold you in my arms,在 Knights of Cydonia 中我像在日本一樣在女友耳邊唱著 don’t waste your time , or time will waste you . 因 Invincible 而感動得一眶熱淚。

在完場的一刻,感動的感覺都離我而去了,突然間,MUSE 變得不怎麼樣,你們說「好正」,我腦裏其實不怎麼懂得回應。

當晚回程時就想把於手機裏的 Blackholes and Revelations 大碟 m4a 檔全數刪除。

你的 BLOG 有短片,你的 BLOG 有相片,你的 BLOG 有 review,我還有繼了的錄音,我都未有著意回顧。

你還買了 Play Guitar, Drum, Piano with Muse , tab books,還帶動了朋友一起來夾歌,我當然會一起把歌玩好,(可能它還會回來的,)但,我的感動好像真的離開了。

但我今天還是穿了紅色的 MUSE Tee。回到家中,不為意地,外甥女 MUSE(她的洋名)指著圖案右下方的樂隊名字問:「咦!依個咪我個名?!」我就像父母初次聽到自己的兒女說「爸爸」「媽媽」般 …

這是 MUSE Live , 十天後的(完全沒有預備的)感動。

MUSE 對我有甚麼義意?

hkiff ’06

March 11, 2007
hkiff ’06 – "Open Your Eyes" 我就開咗 9 次。
 
今屆 ’07 都係開大 。(好似有啲誇張,暫定會睇 27 套戲) 

Borat

March 7, 2007

笑到咁,有啲儍仔總會將「開心」同「唔開心」兩個極端情緒連接在一起。

你知唔知你o既祖國有o既多個「波叔」?

「波叔」又係戰爭留低o既污染物?

有隻 dildo 義支真係咁開心?可以為人民服務?本來隻手喺邊度?

得啖笑,且看英國老豆能否與之匹敵。